Alon ng Buhay

Walang mapuntahan

Dinala ng paa sa dalampasigan

Umupo sa buhanginan

Alon ng dagat ay pinagmasdan

Sumapit ang dapithapon

Pakiwari ko'y lumalakas ang alon

Umatras nang di kalayuan

Napaupong muli sa buhanginan

Liwanag ay nawala, pumalit ay kadiliman

Lumabas ang kalungkutan

Di napigilang humikbi ng marahan

Yumuko ng bahagya nakaidlip ng tuluyan

Pagmulat ng mata papalabas na araw ang namasdan

Kislap ng karagatan matimong pinagtuunan

Gumugulong suliranin

Unti-unting lumalabas ang kasagutan

Di nagdalawang-isip, tumakbo sa karagatan

Malalakas na bigwas ng alon pilit nilabanan

Tumingala sa kalangitan

Lubos na kaligayahan ang naramdaman

Bumalik sa buhanginan

Pagkit ang ngiti ng kasiyahan

Umalis ng dalampasigan

Dala-dala'y katapangan

Sulat-Amatyur