Bukang-Liwayway

Noon

Bago ka nakilala

Ang bukang-liwayway ang nagbibigay ng walang hanggang pag-aalinlangan

Panibagong araw

Panibagong pakikipagbuno sa buhay

Habang naglalakad

At naghihintay sa pagsilip ng liwanag

Unti-unting bumabalik ang mga alaala

Alaala na gustong burahin sa isipan

At ang hinahangad na pag-asa'y kusang naglalaho

Sa pagsikat nang araw ng kalungkutan

Ngayon

Nang sa hindi sinasadyang pagkakataon

Tayo'y nagkakilala

Nagkaroon ng saya, Nagkaroon ng kasama

Kasama sa paghintay ng bagong umaga

Habang naglalakad

At naghihintay sa pagsilip ng liwanag

Unti-unting bumabalik ang mga alaala

Alaala ng sobrang ligaya sa tuwing ika'y kausap

Umaasa na sa pagdating ng araw

Tayo'y magkasama sa paglalakad sa daan ng buhay

Bukas

Umaasam na magkitang muli

Bigyang ningning ang tumutubong sigla

Sabay nating hubdan ang ating kaluluwa

At muling ibahagi ang nadaramang saya

Habang papalapit ang liwanag ng umaga

May takot na nadarama

Takot sa paglisan ng dahilan ng saya

Dahil sa pagsapit ng bukang-liwayway

Kasama ng tawanan sa gitna ng gabi, ika'y maglalaho

Maglalaho sa pagsapit ng bukang-liwayway

Sulat-Amatyur